Windows 7 គឺជា "OS" ប្រកបដោយជោគជ័យមួយសម្រាប់
Microsoft នាពេលកន្លងទៅនេះ, មាន Tablet ជាច្រើនប្រើ
OS នេះ
ប៉ុន្តែច្រើនត្រូវបានផលិតដោយក្រុមហ៊ុនដែលគេមិនសូវស្គាល់
តែអាចលក់បានច្រើនគួរសមក្នុងចំណោមអ្នកធ្វើការ
ព្រោះគេអាចស្ពាយការងាររបស់គេទៅតាមខ្លួនបាន។ ប៉ុន្តែ Microsoft ត្រូវមានអ្វីដែលប្រសើរជាងនេះយកមកលក់ដើម្បីរក្សាបានភាពជាអ្នកឈ្នះ
បើពុំនោះទេវានឹងក្លាយទៅជារឿងសោកស្ដាយបំផុតមួយសម្រាប់ក្រុមហ៊ុននេះមិនខាន។
"នាយកប្រតិបត្តិរបស់ Microsoft ធ្លាប់បានពោលថា Windows 8
គឺជាការប្រថុយមួយរបស់ក្រុមហ៊ុននេះ"
នៅក្នុងការបង្ហាញមួយចំពោះមុខមនុស្សជាច្រើនដែលជាអ្នកវិភាគមកពីឧស្សាហកម្មផលិត
Software និង Hardware, លោក
Steve Balmer ជា CEO របស់ក្រុមហ៊ុនបានបញ្ជាក់ប្រាប់ឲ្យដឹងថា
វាជាអ្វីមួយដែលក្រុមហ៊ុនបានប្រថុយ។
វាជារឿងមួយលំបាកសម្រាប់ក្រុមហ៊ុននេះដើម្បីដាក់ចេញរបស់មួយឲ្យល្អជាង Windows 7។
អ្នកវិភាគជាច្រើនយល់ថាតាមរយៈការគូសបញ្ជាក់របស់លោក Balmer វាពិតជាមានការផ្លាស់ប្ដូរច្រើនចំពោះ Windows 8 ត្រង់នេះហើយដែល Microsoft យល់ថាវាជាការប្រថុយមួយដែលក្រុមហ៊ុននេះត្រូវប្រឈម។
ស្ថិតក្នុងសម័យកាលមួយដែល "Touch" គឺជារឿងចាំបាច់និងមិនអាចខានបានសម្រាប់ Hardware នាពេលអនាគត, Microsoft ត្រូវធ្វើអ្វីមួយដើម្បីឲ្យ Windows ថ្មីនោះវាល្អដូចជា
Touch របស់ Apple និង
Android ព្រោះកន្លងមកនេះ បច្ចេកវិទ្យា Touch របស់ Microsoft នៅចាញ់គេឆ្ងាយនៅឡើយ
ហេតុនេះ Windows 8 ដែលនឹងត្រូវចេញលក់នៅពេលខាងមុខនេះ
គួរត្រូវបានធ្វើឲ្យល្អជាង WM7 (Windows Mobile 7) បើមិនដូច្នោះទេ
វានឹងទាញឲ្យក្រុមហ៊ុននេះត្រូវឃ្លាតឆ្ងាយពីទីផ្សារ Tablet ជាពុំខានឡើយ។
ដូចយើងបានដឹងរួចមកហើយថា Windows Server លែងមានឈ្មោះទៅហើយ
ភាគច្រើនអ្វីៗទាំងអស់បានធ្លាក់ទៅក្នុងដៃរបស់ Ubuntu បាត់ទៅហើយ នៅក្នុងទីផ្សារទូរស័ព្ទ Microsoft មិនអាចប្រជែងជាមួយ Apple និង Google បានទេ
បើពិនិត្យមើលទៅលើចំណែករបស់ទីផ្សាររបស់ WM7
វិញគឺមានចំណែកតូចណាស់ប្រៀបធៀបជាមួយ Apple ios និង
Google Android, (មើល Chart)។
នៅលើ
Homepage របស់
Windows 8 Microsoft បានរៀបវាជាស្ទីលបែប Metro ខុសប្លែកពីលំនាំធម្មតារបស់ Start Screen របស់ Windows7
ចាស់កាលពីមុន។ សូមបញ្ជាក់ថា Windows 8 មាន interface (UI) តែមួយសម្រាប់ Tablet សម្រាប់
PC និងសម្រាប់ Mobile Phone។ ជាថ្មីម្តងទៀត Microsoft បានព្យាយាមផ្ដោតការយកចិត្តទុកដាក់ចំពោះ
PC និង Tablet ច្រើនជាងការគិតដល់
Mobile phone ព្រោះកន្លងទៅនេះ Microsoft មិនអាចដណ្ដើមយកទីផ្សារនេះបានឡើយ
ហើយអ្នកគាំទ្រធំរបស់ខ្លួនគឺ HTC តែពេលនេះ
HTC ហាក់បានងាកចេញបន្តិចពី Windows មកបង្កើនការផលិតសម្រាប់ Android OS ទៅហើយ។ ការសហការគ្នាជាមួយ Nokia ប្រហែលជាអាចរុញ Windows phone និង Tablet ឲ្យងើបឡើងបានខ្លះ
រួមផ្សំជាមួយក្រុមហ៊ុនធំៗមួយចំនួនទៀតដែលបានមើលឃើញថា Windows 8 គួរឲ្យចាប់អារម្មណ៍ដែរ, យើងនឹងរង់ចាំមើលថាតើវាសនារបស់ Windows 8 ជាការប្រថុយមួយឬជាជោគជ័យសម្រាប់ Microsoft៕
