របៀប​បិទ RSS Feeds ក្នុង Blogger សម្រាប់​បញ្ឈប់​ការ​ផ្គត់ផ្គង់​មាតិកា​ប្លុក​ទៅ​ទី​កន្លែង​ដទៃ

​    RSS Feeds ជា​អ្វី?  RSS គឺ​ជា​ប្រព័ន្ធ​ចាប់​យក​មាតិកា​គេហទំព័រ/ប្លុក​​ដូចជា ចំណងជើង​សុទ្ធ អត្ថបទ​សង្ខេប (គ្មាន​រូប) ឬ​ក៏​ប្រកាស​ទាំង​ដុល យក​ទៅ​បង្ហាញ​នៅ​ផ្ទាំង​ផ្សេង​មួយ ឬ​ក្នុង​កម្មវិធី​​ដែល​មាន​នាទី​អាន RSS ។ យើង​អាច​ដឹង​ថា​គេហទំព័រ/ប្លុក​មាន​ដាក់​អត្ថបទ​ថ្មីៗ ឬ​មាន​អត្ថបទ​អ្វី​ខ្លះ​ដោយ​មើល​តែ RSS Feeds ក៏​បាន​ដោយ​មិន​បាច់​ចូល​ទៅ​កាន់​គេហទំព័រ​មួយ​នោះ​ឡើយ។  ថ្វីត្បិត​តែ RSS Feeds មាន​ប្រយោជន៍​មែន តែ​មាន​គេហទំព័រ​មួយ​ចំនួន​គេ​បាន​បិទ​មុខងារ​នេះ ដើម្បី​ឲ្យ​អ្នក​អាច​ត្រូវ​ចូល​មើល​ដោយ​ផ្ទាល់​មក​កាន់​គេហទំព័រ​របស់​គេ គឺ​មិន​អនុញ្ញាតិ​ឲ្យ​អាន​នៅ​កន្លែង​ផ្សេង​បាន​ទេ។

    នៅ​ក្នុង​អត្ថបទ​គន្លឹះ​Idea For Khmerសូម​បង្ហាញ​ពី​របៀប​បិទ​មុខងារ RSS Feeds សម្រាប់​អ្នក​ប្រើ Blogger ដែល​មិន​ចង់​ឲ្យ​គេ​តាម​អាន​អត្ថបទ​តាម Feed ឬ មិន​ចង់​​បង្ហាញ​មាតិកា​នៅ​កន្លែង​ផ្សេងៗ។ គន្លឹះ​នេះ​មាន​ប្រយោជន៍​​ រាល់​ម្ចាស់​ប្លុក​ទាំងឡាយ​ណា​ដែល​មិន​ចង់​ឲ្យ​គេ​មើល​នៅ​កន្លែង​ផ្សេង​ក្រៅ​ពី​ចូល​មើល​ក្នុង​​ប្លុក​របស់​ខ្លួន :D ។

- ជា​ទូទៅ Blogger តែងតែ​បើ RSS ហើយ​បើ​អ្នក​មិន​ស្គាល់ RSS អាច​ចូល​មើល​តាម​រូបភាព​ខាង​ក្រោម ប្រាកដជា​បាន​ដឹង​ថា Feeds វា​មាន​ប្រយោជន៍​យ៉ាង​ណា។

៙ របៀប​បិទ RSS Feeds ក្នុង Blogger ៖

- Log In ចូល​ក្នុង​គណនី​ Blogger របស់​អ្នក

- ចូល​ទៅ Setting >> Other >> Allow Blog Feed  នៅ​ត្រង់ Short សូម​ជ្រើស​យក None ហើយ​ចុច Save settings ដើម្បី​បិទ​មុខងារ RSS Feeds ។

- ជា​លទ្ធផល​គឺ​ Feeds លែង​ដំណើរការ​ហើយ ចង់​ដឹង​ថា​មាន​អត្ថបទ​ថ្មី ទាល់តែ​ចូល​មើល​ក្នុង​ប្លុក​នោះ​ទើប​ដឹង។