Tablet មិនមែនក្រុមហ៊ុន Apple ជាអ្នកបង្កើតឡើងមុនគេនោះទេ
គឺវាមានតាំងពីឆ្នាំ 2002 ឬមុននោះក៏ថាបាន។
មូលហេតុដែលពពួក Tablet ដែលដំណើរការដោយ iOS និង Android មានប្រជាប្រិយភាពជាងពពួក
Windows តើមកអ្វីដែរ? ចម្លើយគឺមកពី
"តម្លៃធូរថ្លៃជាង"។
ប្លកអាក្បាលធំសូមលើកយកយកហេតុផលងាយយល់មួយចំនួនមកពិចារណា
មុននឹងធ្វើការសម្រេចចិត្តទិញ tablet យកមកប្រើ
ឬកម្សាន្ត
ឆ្លងកាត់រយៈពេលជាង 2
កន្លងមកយើងអាចសន្មតបានថា iPad និង
Galaxy tab នៅក្មេងខ្ចីណាស់
ព្រោះមានកម្មវិធី និង Game
មួយចំនួនធំ
គ្មានគុណភាព មានតែបរិមាណ
ចង់បន្ថែមមុខងារអ្វីក៏មិនដូចពពួកកម្មវិធីដែលកំពុងដំណើរការលើ Windows សព្វថ្ងៃដែរ។
ប៉ុន្តែសម្រាប់អ្នកធ្វើការជាត្រីមុខ គេនៅតែប្រើ laptop ដដែលមិនចោលទៅណាទេ ព្រោះវាមាំទាំជាង, សម្រាប់ខ្ញុំចាំបាច់ត្រូវមាន laptop ហើយបើមានលុយគិតថានឹងទិញ tablet មួយបន្ថែមទៀត
ត្រង់នេះហើយដែលអ្នកគិតក្នុងចិត្តថា ហេតអ្វីត្រូវប្រើ windows tablet មិនប្រើ iPad?
1- កម្មវិធី Windows : Softwares Vs Applications
មកដល់ក្នុងជំនាន់ Windows 8 នេះ កុំព្យូទ័រមានពពួកកម្មវិធីពីរគឺ Softwares និង
Mobile Applications។ iOS និង
Android មានតែ Apps តែប៉ុណ្ណោះ
មិនទាន់ឃើញគេហៅថា software
នៅឡើយទេ
នេះគឺជាភាសាបច្ចេកទេសរបស់អ្នកបង្កើត។ ចំណែក Windows វិញ យើងហៅថា software តាំងពីអើយមក
មិនសូវនិងក៏មិនងាយហៅថា Apps ដែរ
ទើបតែមកដល់ជំនាន់ Windows
8 នេះទេ ដែល Microsoft មានចាត់ឲ្យបង្កើតជា Apps ផ្សេងៗឡើងក្នុងគោលចំណងធ្វើឲ្យ Windows 8 មានការចាប់អារម្មណ៍ពីអ្នកប្រើប្រាស់។ ដោយ
Apps ទើបតែកើតថ្មីបែបនេះ
គេសំគាល់ឃើញថា វាសាកសមជាមួយអេក្រង់ប៉ះបញ្ជារណាស់
ជាងការប្រើជាមួយកណ្ដុរ, ចំណែក software វាងាយជាមួយ កណ្ដុរជាងការចុចបញ្ជា។
មួយរយៈមុន យើងតែងតែឮព័ត៌មានអួតថា apps របស់ iOS និង
Android កើនឡើងដល់ ខ្ទង់ម៉ឺន ខ្ទង់សែល
និងបន្តឡើងដល់ខ្ទង់លាន ប៉ុន្តែសួរថាអាចប្រៀបជាមួយចំនួនកម្មវិធីរបស់ Windows បានហើយឬ? ចម្លើយនៅឆ្ងាយណាស់
នេះយើងមិនទាន់និយាយពីគុណភាពកម្មវិធីទាំងនោះផង
គ្រាន់តែលោកអ្នកដឹងយ៉ាងខ្លីថា តើអ្នកពេញចិត្ត apps ដែលមានលើ iOS និង
Android បានប៉ុន្មានភាគបើប្រៀបជាមួយ Windows ដែលមានកម្មវិធីសុទ្ធសឹងតែយើងកំពុងប្រើរាល់ថ្ងៃ
ចុះបើយើងយកវាមកប្រើលើ tablet តើវាស្រួលប៉ុណ្ណា? ចម្លើយមិនអាចឆ្លើយប្រាប់បានទេ
បើលោកអ្នកងប់ងុលនឹង ipad
ឬក៏លើកអ្នកគ្មានការងារជាមួយកុំព្យូទ័រផង
ដោយគ្រាន់តែប្រើ iPad សម្រាប់ លេងហ្គេម
និងឆែកអ៊ីនធឺណិតនោះ។ ដូច្នេះមិនងាយអូសទាញអ្នកដែលកំពុងប្រើ iPad ឲ្យងាកមករក Windows tablet បានច្រើនទេ ក៏ព្រោះតែអ្នកទាំងនោះគ្មានតម្រូវការឲ្យលើសពី
iPad អាចធ្វើបានសព្វថ្ងៃនេះផងហ្នឹង។
2- តម្លៃ : ថោកជាងអន់ជាង Vs ថ្លៃជាងប្រើបានច្រើនជាង
កុំថាឡើយ Windows tablet ទៅប្រកួតប្រជែង សូម្បីតែ iPad ក៏ប្រកួតមិនឈ្នះតម្លៃរបស់ពពួក
Android ដែរ ត្រង់ចំនុចនេះ Google រីកមុខរីកមាត់ អត់ឈប់សោះ
ក៏ដោយសារគាត់អាចធ្វើប្រព័ន្ធប្រតិបត្តិការដែលទាមទារ hardware ទាបជាងគេក្នុងចំណោមទីផ្សារ tablet។ តែបើនិយាយពីគុណភាពវិញគេហៅថា អេតចាយ។
ពាក្យថា អេតចាយ នេះក្រុមហ៊ុន Apple គឺចង់សំដៅថា
គេមិនធ្វើរបស់អន់ៗ ដូចពពួក Android ទេ
មានតែចំនួនតែគ្មានគុណភាព ភាគច្រើននៃ tablet ដែលដំណើរការដោយ
Android មិនអាចលេងហ្គេម 3D បានទេល្អបានទេ វាផ្ទុយពី iPad អាចលេងបានទាំងអស់។
3- កម្មវិធីធុនធ្ងន់ : Office program, Adobe
ធុនធ្ងន់ត្រង់ណា? បើកម្មវិធីទាំងអស់នោះខ្ញុំប្រើវាជាមួយកុំព្យូទ័រកញ្ចាស់ក៏អាចប្រើបានដែរហ្នឹង។
កុំឃើញគេកាន់ iPad ថាល្អឲ្យសោះ
ពេលអ្នកទាំងនោះធ្វើការ គេទុក iPad ក្នុងថតតុបាត់
រួចទាញ laptop យកមកប្រើវិញទេ ហេសហេ គេមិនអាចប្រើ
iPad បានទេ
មានតែចៅហ្វាយនាយគេទេដែលចូលចិត្តបញ្ឈរ iPad លើតុរបស់ពួកគេ
ចំណែកកូនចៅប្រើ laptop
ឬ desktop។ កម្មវិធីជាច្រើនមិនអាចប្រើជាមួយ ipad បាន ហើយក៏គ្មានថ្ងៃប្រើបានដែរ បានត្រឹមតែអាន
Email ឆែកអ៊ីនធឺណិត លេងហ្គេម
ពេលខ្លះៗតែប៉ុណ្ណោះ។ តែបើយើងប្រើ Windows tablet វិញយើងអាចប្រើ
Ms Office 2013
ជាមួយអេក្រង់ប៉ះបញ្ជាបានយ៉ាងស្រួល ហើយប្រើ Adobe Photoshop បានយ៉ាងងាយ
ចំនុចដ៏តូចនេះហើយដែលយើងត្រូវប្រើ Windows tablet។
4- រន្ធតភ្ជាប់ : USB
តាំងពីកកើតរហូតមកដល់ឥឡូវគេមិនទាន់ឃើញមាន tablet ណាមានរន្ធ USB សម្រាប់ចរាចរណ៍ទិន្នន័យនៅឡើយទេ!!!។
តែចំពោះពពួក Windows
tablet វិញគឺតែងតែមានរន្ធ
USB មកជាមួយមិនអាចខ្វះបាននោះទេ
ហើយមាន Windows tablet ខ្លះមានរន្ធ USB ជំនាន់ 3.0
ក៏មានដូចជា Surface Pro
របស់ Microsoft ផ្ទាល់ជាដើម។ តើលោកអ្នកគិតថារន្ធ USB មិនសំខាន់ឬ?
USB នៅតែចាំបាច់ខ្លាំងណាស់ ចំពោះមនុស្សភាគច្រើនដែលគេត្រូវការ
ចរាចរណ៍ទិន្នន័យជាមួយ USB
Flash, External HDD ដែលងាយស្រួលរក្សាការងាររបស់ពួកគេ
ឲ្យគង់វង្ស និងចាត់ចែងទៅទីកន្លែងផ្សេងបានយ៉ាងមានប្រសិទ្ធភាពបំផុត។ ចុះ iPad? គេគ្រាន់តែបង្កើតវាឡើងដើម្បីផ្ដល់ការងាយស្រួលជាងការប្រើទូរស័ព្ទតែប៉ុណ្ណោះ
ក្នុងប្រើអ៊ីនធឺណិតជាដើម ហើយគេមិនផ្ដោតលើការងារនោះទេ
ដូច្នេះយើងអាចសន្និដ្ឋានបានថា iPad បង្កើតឡើង
គ្រាន់តែសម្រាប់រកលុយឲ្យ សេវាកម្ម Apps store ។
5- Game :
Professional Vs Apps
Windows tablet មានហ្គេមជាច្រើន និងងាយរកលេងណាស់ , អ្នកប្រើ Windows tablet ពិតជាសប្បាយរីករាយជាមួយហ្គេមប្រភេទ Professional ធំៗ ដែលបង្កើតឡើងដោយក្រុមការងារ Xbox ដែលចង់នាំយក ហ្គេម Xbox យកមកលេងលើ Windows tablet នោះ។ ដូច្នេះអនាគតរបស់ Windows tablet គឺត្រចះត្រចង់ណាស់
មិនត្រឹមតែ Xbox នោះទេ នៅមានស្ទូឌីយូល្បីៗនៅជុំវិញពិភពលោក
កំពុងតែផលិតរាល់ថ្ងៃ។
6- Skydrive
សេវាកម្មរក្សាឯកសារលើពពក
បានក្លាយជាសេវាកម្មសំខាន់ និង
មិនអាចខ្វះបានសម្រាប់អ្នកមានឯកសារសំខាន់ៗ ល្អៗ
អាចឲ្យសមាជិកគ្រួសាររបស់គេប្រើរួមជាមួយគ្នា
បានយ៉ាងងាយស្រួលគ្រប់ទីកន្លែង។ មិនថាទៅដល់ទីណា ជនបទ ឬបរទេស
ពួកគេនៅតែអាចចូលទៅចាក់ចម្រៀង មើលវីដេអូ របស់ពួកគេបានព្រមគ្នា
កែប្រែឯកសារដែលពួកគេធ្វើការជាមួយគ្នា។ Skydrive គឺជាផ្នែកមួយដែលជំរុញឲ្យ
Windows tablet រីកលូតលាស់បានយ៉ាងមានប្រសិទ្ធភាព។
មកដល់ពេលនេះគេឃើញមានតែ
Skydrive ដែលផ្ដល់ទំហំ Free = 7GB គឺលើសគេ។