ក្នុងអត្ថបទនេះដែរគឺ
ប្លក idea for Khmer នឹងនិយាយអំពីលក្ខណៈពិសេសៗមួយចំនួនរបស់ Surface ជាគូប្រជែងថ្មីរបស់ iPad ដែលមានចំណែកទីផ្សារ 50%
បច្ចុប្បន្ននេះមិនទាន់មានសមត្ថភាពធ្វើបាននៅឡើយ។
មិនមែននិយាយបង្អាប់គ្នាលេងទេ
តែនេះគឺជាការពិតមួយដែលយើងគួរតែស្វែងយល់បន្ថែមមុននឹងសម្រេចចិត្តទិញឲ្យបានច្បាស់លាស់។
ក្រុមហ៊ុនយក្ស Microsoft បានធ្វើឲ្យពិភពលោកភ្ញាក់ផ្អើល
ជាពិសេសដៃគូរបស់ខ្លួន មានការតក់ស្លុត
ដោយសារក្រុមហ៊ុនមួយនេះតែងតែនិយាយថាខ្លួនមិនបង្កើត hardware នោះទេ តែបែរជាសំងំផលិត tablet មិនឲ្យគេដឹង
រហូតដល់ថ្ងៃចេញលក់ទើបប្រាក់ឲ្យគេដឹង ដោយបានដាក់ឈ្មោះឲ្យ tablet ដំបូងរបស់ខ្លួនថា Surface។ អ្នកតាមដានបច្ចេកវិទ្យា
គេកំពុងផ្ដោតទៅលើក្រុមហ៊ុន Nokia ដែលជាដៃគូសហការរបស់
Microsoft ថា Nokia ប្រហែលជាអាចផលិត
tablet តែបែរជាមិនមានតម្រុយថា Nokia ផលិត tablet សោះ។
ការរចនា និង មុខងាររបស់ Surface គឺមានសព្វគ្រប់ទាំងអស់ដែលមើលទៅធ្វើឲ្យ
iPad ហួសសម័យ
ដែលយើងធ្លាប់តែយល់ថាបច្ចេកវិទ្យារបស់ iPad ខ្ពស់កក់សេរី
តាមពិតមានចំណុចធំៗជាច្រើនដែល iPad អត់មាន។
សូមមើលទាំងអស់គ្នាថា តើបច្ចេកវិទ្យា iPad ពិតជាហួសសម័យមែនឬអត់? ៖
ចំណុចសំខាន់ៗដែល
Surface ធ្វើឲ្យ iPad មើលទៅហួសសម័យ
តើលោកអ្នកគិតថា iPad 3 ពិតជា tablet ដែលមានកម្រាស់ស្ដើងជាងគេមែនទេ? ហេសហេអ្នកយល់ខុសហើយ iPad 4 ទៅវិញទេដែលស្ដើងជាងនោះ
អេៗៗៗៗឈប់សិន!!! Microsoft
Surface RT ស្ដើងជាង iPad 4 ចំនួន 0.1
មីលីម៉ែត្រ ព្រោះ Surface
សេរី Windows RT មានកម្រាស់ 9.3mm ឯ Apple iPad 4 មានកម្រាស់ 9.4mm។
ហើយជ្រុងខាងរបស់ Surface
RT មានមុំ 22 ដឺក្រេ ដែលធ្វើឲ្យវាមើលទៅ រឹងតែស្ដើង
បើមើលដោយភ្នែកទទេ។
មានរន្ធ USB ទំហំពេញ និងរន្ធបញ្ចេញវីដេអូទៅខាងក្រៅ (HD Video Out) ៖
បើនិយាយពី iPad វិញគ្រាន់តែបង្កើតឡើងសម្រាប់កម្សាន្តលេងហើយ
ហើយមិនដឹងឆ្នាំណាមានរន្ធ USB សម្រាប់ប្រើជាមួយ
Flash USB ជាដើម។ ឲ្យតែឧបករណ៍ដែលប្រើ Windows ប្រាកដជាមានរន្ធ USB ដូចនេះ Surface RT មានរន្ធ
USB 2.0 និង Surface Pro មានរន្ធ USBជំនាន់ 3.0 ។
តើអ្នកគិតថារន្ធ USB មិនសូវចាំបាច់មែនទេ? ហេសហេ! ចំពោះខ្ញុំគឺចាំបាច់ខ្លាំងណាស់។
មានឧបករណ៍បន្ថែមជំនាញៗមកជាស្រេច
៖
ជាមួយអេក្រង់ទំហំ 11.6 អ៊ីញ ដែលអនុញ្ញាតឲ្យប៉ិច (Stylus) អាចសរសេរបានយ៉ាងរអិលមកស្រាប់
នេះហើយដែលសូម្បីតែ Samsung
Galaxy Note 10
ដែលដំណើរការដោយ Android
ក៏ញាក់សាច់ដែរ។
ដោយលុបចោលចន្លោះរវាងផ្ទៃអេក្រង់ និង cover glass ទាំងនេះជួយឲ្យពន្លឺតិចៗចេញពីការសរសេរនៅពេលប្រើប៉ិច
(Stylus)។
មានរន្ធបន្ថែមអង្គផ្ទុកឯកសារប្រភេទ
microSDXC ៖
ទាំងពីសេរីរបស់ Surface គឺ Surface RT និង
Surface Pro គឺមានរន្ធសម្រាប់ដាក់អង្គផ្ទុកឯកសារបន្ថែមបានដល់ទំហំ
64GB បន្ថែមទីលើអង្គផ្ទុកដែលមានក្នុងម៉ាស៊ីនស្រាប់ប្រភេទជា
microSDXC ដែលជាសេរីថ្មី មានល្បឿនលឿនជា microSD ធម្មតា។ ចំណុចនេះបានធ្វើឲ្យ
អ្នកដែលស្មោះស្ម័គ្រជាមួយ Apple បានលើកឡើងជាសំនួនទៀតហើយថា
ហេតុអ្វីបានជា iPad មិនព្រមមានរន្ធ
បន្ថែមកាតអង្គផ្ទុកឯកសារ? ចម្លើយគឺសួរ CEO របស់ Apple ទៅ។
មានកាមេរ៉ាចំនួន
2 ខាងមុខនិងខាងក្រោមកម្រិត HD ៖
Microsoft Surface មានកាមេរ៉ាចំនួន 2 គឺខាងមុខ និងកាមេរ៉ាខាងក្រោយ
អាចថតវីដេអូបានក្នុងកម្រិត HD ដូចគ្នា
ហើយមាន ឧបករណ៍ស្រូបសំឡេងចំនួន 2
ទៀត ពិតជាល្អណាស់។
ទ្រនាប់ការពារគឺជាក្ដារចុច!
៖
ក្ដារចុចបន្ថែមរបស់ពពួក tablet គឺជាគ្រឿងបន្ថែមប្រពៃណី
ដែលអ្នកប្រើភាគច្រើនមិនសូវគិតគូរ។ ចំណែកឯ Surface វិញ
Microsoft មានរចនាក្ដារចុចបន្ថែមចំនួន2 ប្រភេទគឺ Touch Cover និង Type
Cover ហើយក៏មានតួនាទីជារបស់ការពារអេក្រង់ផងដែរ។
ការប្រើក្ដារចុចក្នុងចំណោមទាំងពីរខាងលើគឺជួយឲ្យលឿនជាងពីរដង
ជាការចុចនៅលើអេក្រង់ផ្ទាល់។ Touch Cover មានកម្រាស់តែ
0.3mm និងមានទម្ងន់ស្រាល់ណាស់
មកជាមួយពណ៌ 5 ប្រភេទគឺ ខ្មៅ ស ខៀវ ផ្កាឈូក លឿង និង
ក្រហម។
ចំណែក Type Cover ជាប្រភេទក្ដារចុចដូចក្ដារចុចដែលមាននៅលើ
laptop ប្រភេទ Ultrabook ដែរ
ដែលវាមានកម្រាស់ស្ដើង ងាយស្រួលចុច រស់នឹងម្រាមដៃរបស់អ្នក, Type Cover មានគ្រាប់ចុចពេញលេញគឺ QWERTY និងមាន media control keys និង trackpad
ហើយក៏ជួយការពារផ្ទៃអេក្រង់ផងដែរ។
គ្រាន់តែបិទក្ដារចុចទៅនឹងអេក្រង់គឺបិទម៉ាស៊ីន (shuts down) ជាស្រេច
ជួយសន្សំថាមពលថ្មបានមួយកម្រិតទៀត។
ជន្ទល់មានមកស្រាប់
(Kickstand) ៖
Microsoft Surface មានមកស្រាប់នូវជន្ទល់ផ្អែក
ដែលងាយស្រួលមិនចាំបាច់កាន់ ដោយគ្រាន់តែដាក់នៅផ្ទៃរាប មិនដូចជា iPad ទេ ដែលតម្រូវឲ្យលោកអ្នកកាន់វាជានិច្ចនោះ។
ងាយស្រួលទស្សនាភាពយន្ត ថតរូបភាព ថតវីដេអូ
បើទៅជាឋិតក្នុងសភាពមិនមានក្ដារចុចបន្ថែមក៏ដោយ។
មិនក្ដៅខ្លាំង
៖
អ្នកប្រើ Apple New iPad 3 តែងតែត្អូញត្អែរអំពីកម្ដៅរបស់ iPad ក៏ព្រោះតែក្រខាងមុខងារគ្រប់គ្រងកម្ដៅ, ឯ Surface ដែលប្រើ
Windows 8
វិញមានមកជាមួយមុខងារខ្ពស់ក្នុងការគ្រប់គ្រងកម្ដៅរបស់ម៉ាស៊ីន។ Microsoft ផ្ដោតសំខាន់គឺរឿងកម្ដៅខ្លាំងណាស់
ដោយបានធ្វើតេស្ត យ៉ាងផ្ចិតផ្ចង់មុនពេលចែកចាយទៅឲ្យអតិថិជន។ Surface មានប្រព័ន្ធខ្យល់ចេញចូលយ៉ាងល្អ ធានាដល់ការប្រើប្រាស់ច្រើនម៉ោង។
តុល្យភាពថាមពលថ្មល្អប្រសើរ
៖
Surface សេរី Windows RT មានកម្លាំងថ្ម
31.5 វ៉ាត់-ម៉ោង
ផ្ដល់នូវការប្រើប្រាស់គ្រប់ពេលគ្រប់វេលា ដោយអាចប្រើប្រាស់បានដល់ 8 ម៉ោង សម្រាប់ការប្រើចម្រុះកិច្ចការងារ
ប៉ុន្តែវាមិនទៀងថា 8 ម៉ោងគ្រប់ពេលនោះទេ។ resolution របស់ Surface RT វាមិនម៉ដ្ឋខៃ
ដូច iPad នោះទេ តែវាជួយសន្សំថាមពលថ្មជាង iPad ។
លក្ខណៈពិសេសដែលអ្នកប្រើនឹងដឹងនៅពេលប្រើមានមួយថ្ងៃនោះគឺការសាកបញ្ចូលថាមពលរបស់ថ្មនោះគឺ
iPad 3 មានទំហំថ្មធំជាង Surface ដល់ទៅ 70%
ឯណោះ ដែលជាហេតុធ្វើឲ្យការសាកថ្មម្ដងៗចំណាយរយៈពេលយូរ ដល់ទៅ 6 ម៉ោងបានពេញ ឯ Surface មិនអញ្ចឹងទេ។
អ្នកប្រើមានគណនីផ្សេងៗគ្នា
៖
តើ iPad អនុញ្ញាតឲ្យអ្នកប្រើមានគណនីផ្សេងៗគ្នាដែរឬទេ? ចម្លើយគឺ ទេ។ ប៉ុន្តែ Surface គឺជារឿងងាយៗ ឧទាហរណ៍
សមាជិកក្នុងគ្រួសាររបស់អ្នកក៏ប្រើ tablet ហ្នឹងដែរ
ដោយចង់មានលក្ខណៈផ្ទាល់ៗខ្លួនរបស់ពួកគេ
ដូច្នេះគែត្រូវបង្កើតគណនីមួយរៀងៗខ្លួន និងគណនីខ្លះត្រូវចាក់សោការពារក៏មាន។
Surface អាចឲ្យអ្នកប្រើប្រាស់ កត់ត្រាចូល (Log In) និងដំឡើងកម្មវិធី ឬ ហ្គេម
ផ្ទាល់ខ្លួនរបស់គេ គេចង់ដូរម៉ូដរូបរាងរបស់ tablet ទៅតាមចំណូលចិត្តគេ
សោយមិនឲ្យប៉ះពាល់កិច្ចការអ្នកផ្សេងដែលប្រើ Surface នោះដែរ។
Surface គឺជាអាសម្បូរណ៍ ៖
ហេតុអ្វី Surface មានឈ្មោះថាអាសម្បូរណ៍? ព្រោះ Surface ប្រើប្រាស់ប្រព័ន្ធប្រតិបត្តិការ
Windows 8 ដែលអាចប្រើ Software របស់ Windows 7
និង Windows ផ្សេងៗទៀតបានធម្មតា ដូចជា Office, Adobe, កម្មវិធីជំនួយការទាញយក IDM, game, ល្អ អាចលេង game របស់
Android បានទៀតចំជាច្រើនមែន។
អាចប្រើជាមួយខ្មែរយូនីកូដបាន 100%
និងងាយស្រួលប្រើ មិន Error
និយាយអោយខ្លីទៅ
គឺសម្បូរណ៍។
សរុបមក ថ្វីត្បិត iPad មានមុខងារល្អមួយចំនួនដែលអ្នកប្រើប្រាស់អាចទទួលបានសមរម្យក៏ពិតមែន
តែបើលោកអ្នកជាអ្នកកំពុងប្រើប្រាស់ Windows នោះគឺប្រាកដជាចង់បាន
tablet ដែលដំណើរការដោយ Windows ជាមិនខាន ហើយជម្រើសទីមួយនោះគឺ Surface ៕