នាយកប្រតិបត្តិ ក្រុមហ៊ុន Microsoft Corp លោក Steve Ballmer បានមើលឃើញសញ្ញា
រីកចម្រើនរបស់ខ្លួន ក្លាយជាក្រុមហ៊ុន ផ្គត់ផ្គង់ប្រព័ន្ធ software ធំបំផុតលើពិភពលោក។ នៅថ្ងៃអនាគត
ខ្លួននឹងប្រកួតប្រជែង ជាមួយក្រុមហ៊ុន Apple Inc ដែលជាមេដឹកនាំ
ទីផ្សារដ៏ធំលើ ពិភពលោក អស់រយៈពេលយូរមកហើយ ដើម្បីអាចទទួលបាន
តំណែងជាមេដឹកនាំផ្នែកបង្កើត hardwar និង
ផ្តល់សេវាកម្មអនឡាញនានា ។
យោងតាមសម្ដីរបស់លោក Ballmer បានថ្លែងជាសាធារណៈ កាលពីថ្ងៃអង្គារ ទី 9 ខែតុលា ម្សិលមិញនេះ បានឲ្យដឹងថា ក្រុមហ៊ុន
Microsoft ប្រហែលជាបង្កើត ទូរស័ព្ទផ្ទាល់ខ្លួន
នៅរយៈពេលយ៉ាងឆាប់ ខាងមុខនេះ ជាមួយឈ្មោះយីហោផ្ទាល់ខ្លួនដូច Surface tablet PC ។
លោក Ballmer លើកឡើងថា
“ នៅពេលណាមួយយើងនឹងបង្កើតឧបករណ៍ទំនើប
ពិសេសជាច្រើន សម្រាប់គោលដៅពិសេសៗ ខណៈដែលការបង្កើតឧបករណ៍ទាំងនោះ នឹង
ធ្វើឡើងជាមួយ Xbox ហើយថ្មីៗនេះ ក្រុមហ៊ុន Microsoft ក៏បានប្រកាសបង្ហាញ Surface រួចមកហើយដែរ”។
ភាពជោគជ័យរបស់ក្រុមហ៊ុន Apple ក្នុងការផលិត iPhone និង iPad គឺមានទាំងប្រព័ន្ធ
software និង hardware សុទ្ធតែមានគុណភាពខ្ពស់
ហើយវាធ្វើឲ្យឧបករណ៍ Windows
ក៏កំពុងតែឈាន
ជំហានតាមក្រោយដូចគ្នាដែរ។
លោក Ballmer ដែលជាអ្នកបន្តតំណែងពីនាយកប្រតិបត្តិ
និងជា ស្ថាបនិក ក្រុមហ៊ុន Microsoft លោក Bill Gates តាំងពីឆ្នាំ ២០០០ នោះ បាននិយាយថា
ក្រុមហ៊ុននឹងបន្តធ្វើ ការងារជាមួយដៃគូពាណិជ្ជកម្ម ជាធម្មតា ដូចជា ក្រុមហ៊ុន
Dell Inc, Samsung និង ក្រុមហ៊ុន HTC ប៉ុន្តែគោលដៅ របស់យើងក្នុងការផលិត
ឧបករណ៍នឹងមាន ទំនាក់ទំនងគ្នាជាមួយដៃគូពាណិជ្ជកម្មជានិច្ច
ដើម្បីផ្លាស់ប្ដូរបទពិសោធន៍ទៅវិញទៅមក៕