របាយការណ៍របស់ក្រុមស្រាវជ្រាវ
ទីផ្សារ HIS បានឲ្យដឹងថា ក្រុមហ៊ុន Microsoft និង Apple កំពុងតែប្រមូលប្រាក់ចំណេញខ្ពស់បំផុត
សម្រាប់ការលក់ Tablet របស់ពួកគេ បន្ទាប់មកគឺក្រុមហ៊ុន Google និង Amazon។
យោងតាមសារព័ត៌មានពីគេហទំព័រ gadgets បានចុះផ្សាយថាការបង្កើត Tablet ផ្ទាល់ខ្លួនដំបូងបំផុត Surface របស់ក្រុមហ៊ុន Microsoft មានតម្លៃប្រហែល
267 ដុល្លារ រាប់បញ្ចូល កម្លាំងពលកម្ម
និង មិនរាប់បញ្ចូលតម្លៃ ក្ដារចុចភ្ជាប់របស់វានោះទេ។ Tablet នេះ បានចេញលក់ នៅថ្ងៃទី 26 ខែតុលា កន្លងទៅក្នុងតម្លៃ 499 ដុល្លារ ដែលប្រាក់ចំណេញ មានចំនួន 46% ភាគរយ។ Surface មានអេក្រង់ទំហំ
10.6 អ៊ីញ ហើយអាចដំណើរការ
អ៊ីនធឺណិតតាមរយៈប្រព័ន្ធ Wi-Fi ។ តម្លៃនេះគឺជាម៉ូដែលបំពាក់អង្គផ្ទុកឯកសារទំហំ
32GB ។
ជាមួយដំណឹងគួរឲ្យ
រីករាយស្រដៀងគ្នានេះដែល ការលក់ Surface ទទួលបានប្រាក់ចំណេញឲ្យក្រុមហ៊ុន
Microsoft បានច្រើនជាង Apple ទៅទៀត បើធៀបនឹងរយៈពេលដែលក្រុមហ៊ុន Apple បានចេញលក់ iPad3
កាលពីខែមិនា កន្លងទៅនេះ។
ការដំឡើង iPad3
ជំនាន់ទី៣ ភ្ជាប់ប្រព័ន្ធ Wi-Fi-តែមួយមុខម៉ូដែល
32GB ទំហំ 9.7
អ៊ីញ របស់ក្រុមហ៊ុន Apple
ត្រូវចំណាយអស់
333 ដុល្លារ ហើយលក់ចេញវិញក្នុងតម្លៃ 599 ដុល្លារ
ដែលការលក់ចេញនេះទទួលបានប្រាក់ចំណេញ ចំនួន 44%
ភាគរយ។ សម្រាប់ម៉ូដែល 16GB
គឺមានតម្លៃ 316 ដុល្លារ ហើយតម្លៃលក់ចេញ 499 ដុល្លារ ទទួលបានប្រាក់ចំណេញ 37% ភាគរយ។
គួររំលឹកថាបើតាមការប៉ាន់ប្រមាណរបស់ក្រុមស្រាវជ្រាវទីផ្សារ IHS ដោយមានការវិភាគពីលោក Andrew Rassweiler កាលពីដំបូងឡើយ បានលើកឡើងថា
ការបង្កើត iPad mini ជំនាន់ទី 4 ម៉ូឌែល 32GB Wi-Fi only រាប់បញ្ចូលទាំងថ្លៃពលកម្ម
ដែលបំពាក់ជាមួយ processor
ល្បឿនលឿនជាងមុន
និងបានចេញលក់កាលពីថ្ងៃសុក្រ ទី 2
ខែវិច្ឆិកា កន្លង ទៅនេះ គឺមានតម្លៃប្រហែល 305
ដុល្លារ ដែលប្រាក់ចំណេញមានចំនួន 49
ភាគរយ ។ ផ្ទុយទៅវិញ iPad
Mini ចេញលក់កាលពី
ថ្ងៃសុក្រ នោះ បង្កើតឡើងក្នុងតម្លៃ ត្រឹមតែ 198
ដុល្លារ រាប់បញ្ចូលទាំង កម្លាំងពលកម្មប៉ុណ្ណោះ។ សម្រាប់ ម៉ូដែល 16GB មានលក់ចេញក្នុងតម្លៃ 329 ដុល្លារ ទទួលបានប្រាក់ចំណេញ 40% ភាគរយ តិចជាង Surface។ ចំណែក Nexus 7
របស់ក្រុមហ៊ុន Google បង្កើតឡើងក្នុងតម្លៃ 159 ដុល្លារ ហើយលក់ចេញក្នុងតម្លៃ 199 ដុល្លារ ទទួលបានចំណេញ 20 ភាគរយ។ ចុងក្រោយក្រុមហ៊ុន Amazon បានបង្កើត Kindle Fire HD ទំហំ 7 អ៊ីញ ជាមួយអង្គផ្ទុកឯកសារទំហំ 16GB ក្នុងតម្លៃ 174
ដុល្លារ ហើយលក់ចេញក្នុងតម្លៃ 199
ដុល្លារ ទទួលបានប្រាក់ចំណេញ 13% ភាគរយ៕
