កាលពីចេញថ្មីៗនេះ
តុលាការអាមេរិកបានកាត់ក្ដីអោយ Samsung ដែលជាក្រុមហ៊ុនយក្សផលិតគ្រឿងអេឡិចត្រូនិកធំបំផុតក្នុងប្រទេសកូរ៉េខាងត្បូង
សង់ការខាតបង់ទៅអោយក្រុមហ៊ុន Appleជាទឹកប្រាក់ចំនួនជាង
1 ពាន់លានដុល្លារសហរដ្ឋអាមេរិក។ ដោយសារ Samsung លួចចម្លងបច្ចេកវិទ្យា
"របៀបចុចបញ្ជាលើអេក្រង់មួយចំនួន និងមានរូបរាងចម្លងម៉ូដតាម"
តែ Samsungបានបដិសេធន៍និងខំរកភស្តុតាងដើម្បីបញ្ជាក់ថាខ្លួនមិនបានលួចចម្លងបច្ចេកវិទ្យារបស់
Apple នោះទេ។
រឿងនេះល្បីសុះសាយគ្រប់ទិសទី សូម្បីតែអ្នកប្រើ "អិនចុចពិល"
ក៏ដឹងដែរអំពី Apple Vs
Samsung ។ បើតាមនីតិវិធីតុលាបានទុកសិទ្ធអោយ
Samsung ប្ដឹងបកបន្តទៀតបាន តែ Samsung ត្រូវមានភស្តុតាងថ្មីបន្ថែមទៀតដើម្បីអោយតុលាការជឿទុកចិត្ត។
អ្នកវិភាគអន្តរជាតិបានវិភាគថា
"ភស្តុតាងចំពោះរឿងនេះ វាពិតជាជិះឥទ្ធិពលយ៉ាងខ្លាំងបំផុត
ទៅលើទូរស័ព្ទដំណើរការ ដោយប្រព័ន្ធប្រតិបត្តិការ Android ការឈ្នះក្ដីក្នុងតុលាការ របស់ Apple ជាសញ្ញាគួរឲ្យភ័យខ្លាចមួយ
ពញ្ញាក់ដល់ឧបករណ៍អេឡិចត្រូនិកទាំងអស់ នៅលើទីផ្សារ មិនត្រឹមតែ Samsung នោះទេ វាថែមទាំង
ផ្ដល់សញ្ញាគ្រោះថ្នាក់ជាលើកទី 2
ទៅដល់ឧបករណ៍ Android របស់ពួកគេទាំងអស់។
បន្ទាប់ពីរឿងទាំងនេះកើតឡើង គ្មានក្រុមហ៊ុន ណាមួយ
ហ៊ានផ្សងព្រេងបង្ហាញឧបករណ៍ ដែលអាចឲ្យពួកគេ ត្រូវគេប្ដឹងនោះទេ។
ក្រុមហ៊ុន Google ប្រហែលជាធ្វើការងារបង្កើត
មូលដ្ឋានគ្រឹះមួយចំនួនបន្ថែមទៀត ទៅក្នុងប្រព័ន្ធប្រតិបត្តិការរបស់ខ្លួន
ដើម្បីជៀសវាងជួបរឿងអកុសលដូច Samsung ម្ដងទៀត
ខណៈដែលក្រុមហ៊ុនផ្គត់ផ្គង់ គ្រឿង អេឡិចត្រូនិកជាច្រើនទៀត
ប្រាកដក្នុងខ្លួនថា នឹងធ្វើឧបករណ៍របស់ខ្លួន ឲ្យខុសពីផលិតផលរបស់ Apple"។
ខ្ញុំគិតថា រឿងនេះមិនដល់ថ្នាក់ធ្វើអោយ
Samsung គាំងបានទេ
គ្រាន់តែខាតលុយខ្លះពីការចំណេញកន្លងមក។ ហើយការចេញ iPhone 5 ធ្វើអោយ Galaxy SIII អាម៉ាស់តាមសម្ដីបែបឡកឡឺយរបស់ជនជាតិចិន
ដែលជាម្ចាស់រោងចក្រទទួលដំឡើង iPhone នោះគឺគ្មានបានការ
និងជាការមាក់ងាយចំៗមកលើ Galaxy SIII ដែលគ្រាន់តែចេញមកដើម្បីផ្គាប់ចិត្តអ្នកប្រើប្រាស់តែប៉ុណ្ណោះ។
និយាយពី ខ្មោចលោក Steve Jobs ដែលកាលពីនៅរស់
"បានហៅប្រព័ន្ធប្រតិបត្តិការទូរស័ព្ទ Android ថាជាផលិតផលលួចចម្លង
ហើយគាត់ប្ដេជ្ញាថានឹងបំផ្លាញវា" គឺជារឿងមួយដែលធ្ងន់ធ្ងរ
និងសាហាវព្រៃផ្សៃបំផុត ដែលខ្មោចលោក Steve Jobs ហ៊ាននិយាយបែបនេះ។
Android គឺជាកូនស្នងមរតក ដែល Google បានទិញយកមក និងបំប៉នចំណី
រីកធំធាត់រហូតមកដល់ពេលនេះ Google មានធនធានមនុស្ស
និង លុយច្រើនណាស់ អ្វីដែល Google បានធ្វើកន្លងមករហូតមកដល់ពេលនេះគឺ
ប្រមូលទិញបច្ចេកវិទ្យានិងអភិវឌ្ឍន៍ មិនមែនចាំលួច Copy ពី Apple នោះទេ។
អនាគតរបស់ Android គឺជាប្រព័ន្ធដំណើរការកុំព្យូទ័រចុចបញ្ជាលើអេក្រង់
មិនមែនត្រឹមជា Osទូរស័ព្ទប៉ុណ្ណឹងទេ ហើយ Windows មិនប្រាកដថាអាចឈរជើងជាកំពូល OS ដែលមានអ្នកប្រើច្រើនរហូតទេ ព្រោះ Windows 8
ឥឡូវកំពុងតែធ្វើអោយអ្នកប្រើឈឺក្បាលខ្លាំងណាស់។
Apple មានសិទ្ធិប្ដឹងនៅពេលយល់ថា Android លួចចម្លង ។ ហើយ Android ប្រាកដជាត្រូវធ្វើយ៉ាងណាកុំអោយគេប្ដឹងបាន
ជាពិសេសធ្វើអោយអ្នកប្រើគេទទួលស្គាល់ មិនមែនធ្វើដើម្បីអោយ Apple និង Microsoft ខ្លាចនោះទេ។
គំនិតរបស់ ខ្មោចលោក Steve
Jobs ចង់ក្ដោបក្ដាប់ទីផ្សារគ្រឿងអេឡិចត្រូនិកតែម្នាក់ឯ
តែសំណាងណាស់ដែល Apple មិនមែនជាអ្នកផលិតទូរស័ព្ទមុនដំបូងគេ
កុំអីនៅលើលោកនេះប្រាកដជាមានតែទូរស័ព្ទមួយសេរីគត់គឺ iPhone។
អ្វីដែលត្រូវរង់ចាំមើលបន្តទៀតនោះគឺ Google នឹងគិតយ៉ាងណា
ដើម្បីការពារក្រុមហ៊ុនដែលប្រើ Android ដើម្បីជៀសអោយផុតពីការប្ដឹងផ្ដល់។
សូមរំលឹកថា Google ទិញយក Motorola ដើម្បីការពារ
Android ពីការប្ដឹងផ្ដល់ ហើយថ្មីៗនេះ Google បានដាក់ពាក្យបណ្ដឹងទៅតុលាការ ចោលប្រកាន់ Apple ថាបានលួចល្មើសកម្មសិទ្ធិបញ្ញាមួយចំនួន
របស់ខ្លួនបន្ទាប់ពីទិញយកបច្ចេកវិទ្យា Motorola រួចមក។
មូលហេតុដែលហ៊ានប្ដឹង Apple
បែបនេះមកពី Google ទើបតែទិញយក Motorola មួយទាំងមូលរឿងអីមិនសងសឹក
និងលុបលាងភាពអាម៉ាស់ដោយសារការចោទប្រកាន់កន្លងមក។ តើ Google អត់អោន Apple ដែលជាក្រុមហ៊ុនគ្មានដែលធ្វើទូរស័ព្ទពីមុនមកទេ
តែបែរជាប្ដឹងក្រុមហ៊ុនដែលមានកម្មសិទ្ធិបញ្ញា ខាងឧបករណ៍ទាក់ទងឥតខ្សែ។
Samsung ក៏មិននៅស្ងៀមដែរ ពេលនេះ Samsung បានប្រកាសថា បើ iPhone ចេញលក់ ទូរស័ព្ទដែលប្រើ LTE (4G)នោះគេនឹងប្ដឹង Apple មិនអោយលក់ iPhone 5 ទេ
ព្រោះ Samsung មានកម្មសិទ្ធិបញ្ញាបច្ចេកវិទ្យា LTE ប្រហែល 10% ។
តើ 10% អំពី LTE ដែល
Samsung មានក្នុងដៃអាចធ្វើអោយ Apple មិនអាចលក់ iPhone 5
បានដែលឬអត់? តើ Samsung គ្រាន់តែបន្លាច
Apple ឬ? ហើយចុះបណ្ដឹង
Google ដែលបានដាក់ទៅតុលាការ
អាចសង្ឃឹមថាឈ្នះដែរឬទេ? ចម្លើយមានតែរង់ចាំមើល
នេះជាសង្គ្រាមបច្ចេកវិទ្យា ដែលផ្ដើមផ្ទុះលើងដោយ Apple ដែលជាក្រុមហ៊ុនគ្មានគ្រឹះធ្វើទូរស័ព្ទពីមុនមកទេ។
រំលឹកពី Nokia វិញបានត្រឹមហួសចិត្ត
និងសោកស្ដាយនូវអ្វីដែលខ្លួនបានខិតខំស្រាវជ្រាវទម្រាំអាចបង្រួមបច្ចេកវិទ្យាឥតខ្សែអោយរួមតូចបាន
ហើយបែបជាត្រូវ Apple ដែលមិនដែលផលិត
និងស្រាវជ្រាវខាងទូរស័ព្ទសោះ
ចេញទូរស័ព្ទយ៉ាងសង្ហារនិងបានតាំងខ្លួនឯងថាជាម្ចាស់នៃបច្ចេកវិទ្យាទូរស័ព្ទទៅវិញ។
ខ្ញុំជឿថា សង្គ្រាមនេះនឹងមិនបញ្ចប់ដោយការសម្រុះសម្រួលគ្នានោះទេ
គឺប្រាកដជាភ្លាត់ត្រូវខ្លួនឯងវិញ ដោយសារតែការលោភលន់របស់ Apple៕