Samsung សម្ញែង​រូប Windows 8 tablet របស់​ខ្លួន​នៅ Facebook

    Samsung បាន​ដាក់​បង្អួត​រូប tablet កូន​កាត់​ជាមួយ laptop ដែល​ដំណើរការ​ដោយ Windows 8 នៅ​បណ្ដាញ​សង្គម Facebook កាល​ពី​ថ្ងៃ​អាទិត្យ។ ដែល​ការ​សម្ញែង​រូប​កុំព្យូទ័រ​បន្ទះ​នេះ ​គ្រាន់​ជា​ការ​បង្ហាញ​មុខ​មុន​ថ្ងៃ​ដាក់​បង្ហាញ​ក្នុង​ពិព័រណ៍​ពាណិជ្ជកម្ម​នៅ​ប្រទេស​អាល្លឺម៉ង់ ដែល​នឹង​រៀបចំ​នៅ​សប្ដាហ៍​ក្រោយ។

   ក្រុមហ៊ុន​អេឡិចត្រូនិក​កូរ៉េ​ខាង​ត្បូង​មួយ​នេះ​បាន​បញ្ចេញ​រូប tablet នៅ​ក្នុង​ទំព័រ Facebook ជាមួយ​នឹង​ពាក្យ​​ថា "Don't worry, it's just around the corner." ដែល​បញ្ជាក់​ថា Samsung ក៏​ជា​ស៊ូណាមិក Windows 8 tablet មួយ​ដែរ។

   ក្នុង​រូបភាព​ដែល​បង្ហាញ​អោយ​ឃើញ​កុំព្យូទ័រ​បន្ទះ​ដែល​ដំណើរការ​ដោយ Windows 8 ដែល​មាន​ក្ដារចុច​របស់ laptop ដែល​អាច​ដក​ដោត​បាន​យ៉ាង​ងាយ, ក្នុង​រូប​នោះ​ផង​ដែរ​ក៏​មាន​ដាក់​អក្សរ​ថា​ IFA 2012 ដែល​ជា​ព្រឹត្តិការណ៍​តាំង​ពិព័រណ៍​​គ្រឿង​អេឡិចត្រូនិក​នៅ​ថ្ងៃសុក្រ ទី 5 ខែ​តុលា នា​​ប្រទេស​អាល្លឺម៉ង់​ខាង​មុខ​នេះ។

    បើ​តាម​តំបន់​បណ្ដាញ CNET បាន​រាយការណ៍​ថា tablet នោះ​មើល​ទៅ​ប្រហែល​ជា សេរី 5 ដែល​ Samsung បាន​ដាក់​បង្ហាញ​សំបក​កាល​ពី​នៅ​ពិព័រណ៍​តៃវ៉ាន់។ Samsung នឹង​ដាក់​បង្ហាញ​​លក្ខណៈ​សម្បត្តិ tablet ពិត​ប្រាកដ​នៅ​អាល្លឺម៉ង់។

   សូម​រំលឹក​ថា​បើ​តា​សេចក្ដី​រាយការណ៍​កន្លង​មក​ថា សេរី 5 របស់ Samsung គឺ​ជា Hybrid ​ជំនាន់​ថ្មី​ដែល​ដំណើរការ​ដោយ Windows 8 ដែល​ប្រើ CPU របស់ Intel មាន​កាមេរ៉ា​​ខាង​ក្រោយទំហំ 8 មេហ្គា​ភិចសែល និង​កាមេរ៉ា​ខាង​មុខ​ទំហំ 2 មេហ្គា​ភិចសែល, ថាមពល​ថ្ម​ប្រើ​បាន​យូរ​ដល់​ទៅ 10 ម៉ោង ដែល​មាន​អេក្រង់ 11 អ៊ីញ។  តែ​ទោះជា​យ៉ាង​ណា​ក៏​យើង​នៅ​មិន​ទាន់​ដឹង​ថា tablet របស់ Samsung ដែល​ប្រើ Windows ​មាន​លក្ខណៈ​បែប​ណា​នោះ​ទេ សូម​រង់ចាំ​តាមដាន​​ Windows 8 tablet ​ជាមួយ​ idea For Khmer ទាំង​អស់​គ្នា​ណា៎!៕