របៀប​ដាក់ Facebook Like Box សម្រាប់ Blogspot

   មាន​អ្នក​ឆ្ងល់​ជាច្រើន ចង់​ដឹង​អំពី​រៀប​ដាក់ រូប​របស់​អ្នក​ចុច Like នៅ​លើ ​ប្លក / វ៉ែបសាយ របស់​ពួកគេ ដើម្បី​ទាក់​ទាញ​អ្នក​ចូល​មើល និង ចង់​ដឹង​ថា​ខ្លួន​មាន​ចំណាប់​អារម្មណ៍​ប៉ុនណា​ដែរ​ចំពោះ​អ្នក​ទស្សនា ជាពិសេស​សំរាប់​អ្នក​ទើប​តែ​បង្កើត ​ប្លក/វ៉ែបសាយ ថ្មីៗ​ក្តៅៗ​ហ៊ុយៗ​។ តែ​លោក​អ្នក​ដែរ​ជា​ម្ចាស់ ប្លក / វ៉ែបសាយ ទាំងអស់​គិត​សិន​ថា ការ​ដាក់ Facebook Like Box នេះ​ធ្វើ​អោយ​ដំណើរ​ការ​បើក​មើល ប្លក / វ៉ែបសាយ មាន​សភាព​យឺត​ជាង​ពេល​ដែរ​យើង​មិន​ទាន់​ដាក់​វា ចុះ​បើ ប្លក / វ៉ែបសាយ របស់​អ្នក មាន​រូប​ស្កេះស្កះ​ហើយ​ថែម​ដាក់ Like Box ទៀត​ ហេស ហេ ???។ តែ​ដើម្បី​ភាព​ទាក់ទាញ និង​ ទំនើបនោះ ខ្ញុំ​សូម​បង្ហាញ​អំពី​របៀប​ដាក់ Facebook Like Box នៅលើ Blogspot ​អោយអ្នក​ទាំង​អស់​បាន​ដឹង និង​អនុវត្តន៍​ទាំងអស់​គ្នា៖

1- ចូល​ទៅ​ក្នុង​​គណនី Facebook របស់​អ្នក ​រួច​ Scroll ចុះ​ទៅ​ក្រោម​បំផុត នោះ​នឹង​ឃើញ​ពាក្យ​ថា បង្កើត​ មួយទំព័រ ។ (មើល​រូប​ខាង​ក្រោម​នេះ)

ការ​បង្តើត មួយ​ទំព័រ មិន​មាន​ការ​លំបាក់​អី​ទេ :D សូម​ធ្វើ​ដោយ​ខ្លួន​ឯង​ចុះ

2- បន្ទាប់ពី​បង្កើត ទំព័រ​រួច​ហើយ ត្រូវ​ចំលង URL របស់​ទំព័រ​នោះ​ទុក​សិន (មើល​រូប​ខាង​ក្រោម​នេះ)

3- ចូល​ទៅ​កាន់ http://developers.facebook.com/docs/plugins/ ចុចលើ Like Box (មើល​រូប​ខាង​ក្រោម​នេះ)

-នោះ​លោក​អ្នក​នឹង​ឃើញ​ដូច​រូប​ខាង​ក្រោម​នេះ​ដែរ​មាន URL របស់ Facebook ទុក​អោយ​អ្នក លៃលក ​​កែតម្រូវ​សិន មុន​នឹង Paste URL របស់​ទំព័រ​អ្នក (សូម​មើល​រូប​ខាង​ក្រោម)

ពន្យល់​មុខ​ងារ​របស់ Facebook Like Box ខ្លះៗ៖

-Facebook Page URL : ជាកន្លែង​សម្រាប់​ ដាក់​បញ្ចូល URL របស់​លោក​អ្នក

-Width : កំណត់​ទំហំ​ទទឹង Like Box បើ​ចង់​ដាក់ រូប​អ្នក​ចុច​ Like

ដាក់​មួយ​ជួរ​បាន​ 3 ត្រូវ​ដាក់​ប្រហែល 183

ដាក់​មួយ​ជួរ​បាន​ 4 ត្រូវ​ដាក់​ប្រហែល 237

ដាក់​មួយ​ជួរ​បាន​ 5 ត្រូវ​ដាក់​ប្រហែល 292

-Height : ជា​ការ​កំណត់​ប្រវែង​កំពស់ (ខ្ញុំ​សូម​មិន​ដាក់​)

-Color Scheme : កំណត់​ពណ៌ មាន​ពីរ​ជំរើស (Light = ពណ៌​ស) , (Dark = ពណ៌​ក្រម៉ៅ(ខ្មៅ))

-Show Faces : គឺ​ជា​ការ​បង្ហាញ​រូប​អ្នក​ចុច​ Like បើ​យើង​មិន ធីក​យក នោះ​វា​​​មិន​បង្ហាញ​​រូប​តូចៗ​ ទេ។ ត្រូវ​តែ​ ធីក​យក​ ទើប​វា​ត្រូវ​នឹង​ប្រធាន​បទ របស់​យើង​ដែរ​និយាយ​អំពី ការ​ដាក់​រូប​អ្នក​ចុច Like

-Border Color : ការ​ដាក់​ពណ៌ ព័ទ្ធ​ជុំ​វិញ (យើង​អាច​ដាក់​ពណ៌​ដោយ​ដាក់​ជា​តម្លៃ​ មាន​ជា​អក្សរ​និង​លេខចំនួន 6 ខ្ទុង​) សួរ​ថា​អ្នក​ណា​ដឹង​ថា​​ពណ៌​អី​​តាង​អោយ​តម្លៃ ​​អក្សរ​និង​លេខ ​អ្វី​នោះ? មាន​តែ​ប្រើ​កម្មវិធី Adobe Photoshop ឬ​កម្មវិធី​ផ្សេងៗ ដែរ​មាន​មុខងារ​ដែរ​អាច​ប្រាប់តម្លៃ​ពណ៌បាន ។ យល់​ល្អ មិនបាច់​ខ្វល់​ពី Border Color នេះ​ទេ។

-Stream​ : គឺ​ជា​ការ​បង្ហាញ ដំណឹង​ផ្សេងៗ​ពី ទំព័រ​ដែរ​យើង​ដាក់ ខ្ញុំ​សូម​មិន ធីក​យក​ទេ ។

-Header : គឺ​ជា​ការ​កំណត់​អោយ​បង្ហាញ​ឬ​លាក់​ពាក្យ ស្វែង​រក​យើង​នៅ​លើ Facebook ។

4- បន្ទាប់​ពី​កំណត់​រួច​រាល់​ហើយ Paste URL របស់​ទំព័រដែលអ្នក​ទើប​បាន​បង្កើត ចូល​ក្នុងប្រលោះ Facebook Page URL រូច​​ចុច​ប៊ូតុង Get Code បន្ទាប់​មក ចម្លង (Copy) កូដនៅ​ក្នុងតាប IFRAME (ដូច​រូប​ខាង​ក្រោម)

5- ចូល​ទៅ​ក្នុង​គណនី Blogspot របស់​លោក​អ្នក រួច​ចូល​ទៅ Layout >> Add a Gadget នៅ​ទី​តាំង​ណាមួយ​ដែរ​ចង់​ដាក់ ជា​ទូ​ទៅ​ដាក់​នៅ Gadget ខាងស្តាំ ឬ ខាង​ឆ្វេង។

6- ស្វែង​រក​មើល Gadget ដែរ​មាន​ឈ្មោះ HTML/JavaScript (មើល​រូប​ខាង​ក្រោម​នេះ)

7- បន្ទាប់​ពី​ស្វែង​រក​ឃើញ​ហើយ Paste កូដ ដែរ Copy ចេញ​ពីតាប IFRAME យក​មក​ដាក់ ក្នុង Gadget តែ​មិនត្រូវ​ដាក់​ឈ្មោះ​ត្រង់​កន្លែង Title ទេ រួច​ចុច SAVE (មើល​រូប​ខាង​ក្រោម​នេះ)

8- នៅ​មិន​ទាន់​រួច​រាល់​ទេ ​ត្រូវ​ចុច​ប៊ូតុង Save arrangement ដែរ​នៅ​ផ្នែក​ស្តាំ​ខាងលើ ទើប​ប្លក​របស់​លោក​អ្នក​វាទទួលចងចាំ សូមរីករាយ​ជាមួយ Facebook Like Box ៕ :D