ដាក់​ឆ្នុច​ចែក​រំលែក​បណ្ដាញ​សង្គម​របស់ AddThis ​នៅ​ខាង​ក្រោម​អត្ថបទ (ជា​លក្ខណៈ​ផ្លូវការ)

   ប្លក​ idea For Khmer បាន​​​លើក​​បង្ហាញ​ពី​របៀប​ដាក់​ឆ្នុច (button) ចែក​រំលែក​របស់​បណ្ដាញ​សង្គម​ល្បីៗ​ដូចជា Facebook, Twitter, Pinterest ជា​ហូរហែ​កន្លង​មក​ហើយ។ ក្នុង​អត្ថបទ​គន្លឹះ​នេះដែរ ​ខ្ញុំ​សូម​បង្ហាញ​ជូន​​ "ពី​របៀប​ដាក់​​ឆ្នុច​បណ្ដាញ​សង្គម​​ខាង​ក្រោយ​អត្ថបទ" ជា​លក្ខណៈ​ផ្លូវ​ការ​ ចេញ​ពី​​សេវាកម្ម AddThis ផ្ទាល់​តែ​ម្ដង ។ ងាយស្រួល​នឹង​អនុវត្តន៍​តាម​បាន សូម​មើល​ខាង​ក្រោម​នេះ ៖

៙ ដាក់​ឆ្នុច​ចែក​រំលែក​បណ្ដាញ​សង្គម​របស់ AddThis ​នៅ​ខាង​ក្រោម​អត្ថបទ (ផ្លូវការ) ៚

- មុន​ដំបូង​បំផុត​លោកអ្នក​ត្រូវ​កត់ត្រា​ចូល (log in) ក្នុង​គណនី Blogger របស់​អ្នក​ឲ្យ​ហើយ​ជា​មុន​សិន ដើម្បី​ងាយស្រួល​អនុវត្តន៍។

- បន្ទាប់​ពី​ចូល​ក្នុង​កាប៊ីន​បញ្ជា​ Blogger រួច​ហើយ សូម​ចូល​ទៅ​គេហទំព័រ AddThis ។

- សូម​ចុច​លើ​ឆ្នុច Free Get Started ដើម្បី​ចូល​ទៅ​កំណត់ Widget ។

- ត្រង់​កន្លែង Get sharing button for សូម​រើស​យក Blogger ។

- ត្រង់​កន្លែង Select style មាន​ជម្រើស​ឲ្យ​ជ្រើសរើស 4 ប្រភេទ តែ​ខ្ញុំ​សូម​រើស​យក​ជម្រើស​​លើ​គេ (ឆ្នុច​ផ្ដេក) ។ ចំណាំ : Style និមួយៗ​មាន​ទីតាំង​បង្ហាញ​ក្នុង​ប្លក​ខុសៗ​គ្នា​។

- ត្រង់​កន្លែង Preview កន្លែង​សម្រាប់​បង្ហាញ​សាក​មើល​ពី​ទម្រង់ Styleនិមួយៗ។

- បើ​ពេញ​ចិត្ត​មួយ​ណា​ចុច​មួយ​ហ្នឹង​ទៅ រួច​ចុច​លើ​ឆ្នុច  Install Blogger Widget  ។ (សូម​មើល​រូប​ខាង​ក្រោម)

- បើ​លោកអ្នក​បាន​កត់ត្រា​ចូល​ប្លក​មុន​ហើយ​នោះ គឺ​វា​នឹង​បង្ហាញ​ដល់​ផ្ទាំង Add Page Element ភ្លាម។

- ត្រង់​កន្លែង Select a blog ជា​កន្លែង​អាច​ឲ្យ​ជ្រើស​ដាក់​ទៅ​កាន់​ប្លក​ណាមួយ​ (នេះ​បើសិន​លោកអ្នក​មាន​ប្លក​ច្រើន) ។

- ត្រង់​កន្លែង Title ជា​កន្លែង​ដាក់​ឈ្មោះ​ឲ្យ Widget (ធាតុ​ក្រាហ្វិក) ចំពោះ Widget នេះ​សូម​កុំ​ដាក់​ឈ្មោះ​ ត្រូវ​លុប​ឈ្មោះ​ចោល។

- កំណត់​រួច​ចុច Add Widget ដើម្បី​សម្រេច​ដាក់​បញ្ចូល​ទៅ​ក្នុង​ប្លក។

- ចូល​ដល់​ផ្ទាំង​គ្រប់គ្រប់ Layuot សូម​ចាប់​ទាញ AddThis Widget យក​ទៅ​ដាក់​នៅ​ទីតាំង​ខាង​ក្រោយ​គេ (សូម​មើល​តាម​រូប​ខាងក្រោម),  រួច​ចុច Save arrangement ដើម្បី​ចងចាំ។

- ចប់​ការ​ការ​ដាក់ AddThis Widget ជា​ផ្លូវការ, សូម​ចូល​ទៅ​មើល​ប្លក​​លោកអ្នក​ថា​តើ​ដើរ​ឬ​អត់

ចំណាំ : បើ​ចង់​ដក់ AddThis Widget ចេញ​វិញ​គ្រាន់តែ​ remove ចេញ​ជា​ការ​ស្រេច៕